Rosalíaren El mal querer albuma Literatura klasean
Mende luzetan ahaztuta egon ondoren, Flamenca eleberria modan jarri da Rosalía artistaren “El mal querer” albuma argitaratzearen ondorioz. Berak dioenez, Rosalíak eleberri horri buruz egin zuen irakurketan du jatorria diskoak. Irakurketa horretatik abiatuta, artista kataluniarrak disko bat osatu du, non kapitulu bakoitzak (Augurio, Boda, Celos, Disputa, Lamento, Clausura, Liturgia, Éxtasis, Concepción, Cordura eta Poder), alegorikoki, harremanaren une bat adierazten duen.
Lan honen helburua Rosalía artista gaztearen “El mal querer” albumaren azterketa literarioa da. El Roman de Flamenca, gaztelaniaz, Flamenca, katalanez, eleberri okzitano anonimoa du inspirazio-iturri nagusietako bat. Gure lana albuma azaltzea izan da, alderdi literario eta linguistikoetatik abiatuta, hala nola albumaren jatorria, egitura, baliabide estilistikoak, abestietan eta bideoklipetan erabiltzen den sinbologia. Ideal erromantikoari egindako kritika da, eta indarkeria matxistaren salaketa argia. Eleberriak jelosiaz zoratzen den gizon batekin ezkondutako neska gazte bati buruz hitz egiten du. Jarduera-bilduma baten bitartez abesti bakoitzaren alderdi literario, linguistiko eta artistikorik garrantzitsuenak aztertzeko aukera paregabea da.
Hori guztia bost saiotan landu dugu Batxilergo 1.mailako Literatura Universal I ikasgaian. Hiru pertsonako talde txikitan adostutako ataza-banaketa baten bidez, egiaztatu daiteke gai izan direla Rosalíaren albumean literatura-harremanak ezartzeko, kultura-aipamenak iruzkintzeko eta formulatzen diren hizkuntza-alderdiak lantzeko.
Ikasleak, hain gogor kargatutako letrek istorio konplexua eta gizarte-karga handikoa planteatzen dutela ikustean, harritu egin dira. Abestiren bat faltako balitz, sareak ez luke funtzionatuko. Narrazio biribila da.
Lan bikaina egin duzuena, gazteak!
